Programi Work and Travel ju mundëson studentëve nga Kosova, ashtu sikurse studentëve nga mbarë bota, që të shkojnë në Shtetet e Bashkuara të Amerikës për të punuar dhe udhëtuar gjatë pushimeve verore me ç'rast studentët kanë mundësi të vizitojnë vendet dhe qytetet që gjithmonë i kanë ëndërruar. Qëllimi i këtij program është që studentët, perms vizës J1, të përjetojnë jetën dhe kulturen Amerikane gjatë periudhës së pushimeve verore.

Përmes programit Work and Travel ju mund të fitoni para të mjaftueshme në mënyrë që ta financoni fakultetin tuaj për një vit. Programi Work and Travel është një mundësi jashtëzakonisht e mirë për tu njoftuar me kolegë nga mbarë bota, ku në të njejtën kohë do ta përmirësoni gjuhën angleze në masë të dukshme.

Për tu konsideruar për programin Work and Travel 2010, kandidatët duhet:

• Të jenë student të rregullt në njërin nga universitetet në Kosovë;
• Të jenë në moshën 18 - 26 vjecare;
• Të ndjehen komfort me gjuhën angleze në të folur;
• Të ketë pashaportë valide me 6 muaj afat pas marrjë së vizes (Preferohet që pashaporta të ketë afat së paku deri në muajin dhjetor të vitit 2011); si dhe
• Të kenë fonde të mjaftueshme që t'i mbulojnë shpenzimet e veta gjatë fillimit të programit në SHBA (Shenim: Studentet do te kene punen e siguruar menjehere pasi qe te shkojne ne SHBA, mirepo per situata te ndryshme, preferohet qe studenti ti merr me vete perafersisht 300 EURO)